Eng asosiy sabab — qulaylik.
Banklarda daromad, ish joyi va kredit tarixi tekshiriladi. Lombardda esa jarayon sodda: qimmatbaho buyum bo‘lsa, pul olish mumkin.
Yana bir sabab — tezlik.
Pul darhol kerak bo‘lganda, kredit kutish uchun vaqt bo‘lmaydi. Lombardda qaror tez qabul qilinadi.
Bu qanday ishlaydi?
Agar sizga shoshilinch pul zarur bo‘lsa, qimmatbaho mulkingizni (masalan, tilla buyumlar yoki texnika) garovga qo‘yib, 30 kundan bir necha oygacha bo‘lgan muddatga qarz olishingiz mumkin
Jarayon odatda quyidagicha bo‘ladi:
Siz buyumni va shaxsni tasdiqlovchi hujjatni olib kelasiz
-Buyum baholanadi
-Shartnoma imzolanadi va pul beriladi
-Sizga garov bileti ham taqdim etiladi
Muhim qoidalar
Lombard garovga qo‘yilgan buyumdan foydalanish huquqiga ega emas — u saqlanadi.
Buyum sug‘urtalanadi va uning qiymati himoyalanadi.
Kredit to‘liq qaytarilgandan so‘ng, buyum egasiga qaytariladi.
Agar kredit qaytarilmasa, lombard buyumni sotishi mumkin.
Bunda:
-qarz sotuvdan tushgan mablag‘ hisobidan yopiladi,
-ortiqcha mablag‘ bo‘lsa, egasiga qaytariladi
-etarli bo‘lmasa ham qarz yopilgan hisoblanadi
Afzalliklar va kamchiliklar
Afzalliklar:
tez rasmiylashtirish
kam hujjatlar
tez pul olish imkoniyati
Kamchilik:
garov bo‘lishi — shart.
foiz stavkasi banklarga nisbatan yuqoriroq
Muhim
Lombardlar banklar kabi omonat qabul qilmaydi.
Ularning faoliyati O‘zbekiston Respublikasi Markaziy banki tomonidan tartibga solinadi va nazorat qilinadi.