Bugungi kunda pullarni nafaqat hamyondan, balki bevosita bank kartasidan ham o‘g‘irlashlari mumkin. Firibgarlar doimiy ravishda yangi sxemalarni o‘ylab topishmoqda, shuning uchun xavfsizlikning asosiy qoidalariga amal qilish muhimdir. Quyidagi choralar tuzoqqa tushmaslikka yordam beradi:
1. Karta ma’lumotlarini hech kimga aytmang
PIN-kod, CVV/CVC va amal qilish muddati — bu qat’iy shaxsiy ma’lumotlardir.
Hatto "bankdan" qo‘ng‘iroq qilib, kartangiz bloklanishi bilan qo‘rqitishsa ham — ishonmang. Haqiqiy bank xodimlari bunday ma’lumotlarni so‘rashmaydi.
To‘lov vaqtida kartani begona qo‘llarga bermang va PIN-kodni kiritishda klaviaturani doimo to'sib turing.
2. Amaliyotlar haqida bildirishnomalarni yoqing
SMS yoki push-bildirishnomalar shubhali tranzaksiyani darhol payqashga yordam beradi.
Agar biror shubhali holatni sezsangiz — kartani tezda bloklab, pullaringizni saqlab qolishingiz mumkin.
3. Antivirus o‘rnating
Telefon va kompyuter — bu sizning mablag‘laringizga to‘g‘ridan-to‘g‘ri yo‘ldir.
Antivirus zararli ilovalar va soxta saytlardan himoya qiladi. Asosiysi — uni faqat rasmiy manbalardan yuklab oling.
4. Har qanday «muammo»ni qayta tekshiring
Karta bloklangani yoki shubhali operatsiya haqida xabar keldimi?
Sarosimaga tushmang va qo‘ng‘iroq yoki xabardagi ko‘rsatmalarga amal qilmang. Yaxshisi, bankning rasmiy saytidagi raqam orqali o‘zingiz bog‘laning.
5. To‘lov qilishdan oldin saytlarni tekshiring
Soxta saytlar deyarli haqiqiysiga o‘xshash bo‘ladi.
Quyidagilarga e’tibor bering:
- Sayt manzili (xatolarsiz va ortiqcha harflarsiz bo‘lishi kerak).
- https mavjudligi.
- Brauzer satridagi qulf belgisi.
- Shubhali xabarlardagi havolalar orqali o‘tmang.
6. Faqat o‘z qurilmalaringizdan foydalaning
Begona telefon yoki kompyuterlardan bank ilovalariga kirmang.
O‘z qurilmalaringizga albatta parol o‘rnating.
Agar telefoningiz yo‘qolsa — darhol bankka qo‘ng‘iroq qiling va ilovaga kirishni cheklang
Asosiysi:Karta xavfsizligi — bu murakkab texnologiyalar emas, balki sizning e’tiborli bo‘lishingizdir. Bitta ortiqcha bosilgan havola yoki aytilgan kod pulingizga tushishi mumkin. Keyinchalik oqibatlari bilan kurashgandan ko‘ra, vaziyatni qayta tekshirgan ma’qul.